استبدال الألواح المتضررة
الشغل القديم
صيانة وإصلاح أسقف جبس قائمة
مش كل سقف متشقّق محتاج يتشال. وفي نفس الوقت، فيه شغل الإصلاح فيه بيبقى أغلى من التجديد. المعاينة هي اللي بتقول.
بيتسعّر بعد المعاينة
تركيب صح
- مسافة منتظمةالمسافة بين المجاري واحدة على طول الشاسيه. اللوح بيفضل مستوي ومحدش بيحس بالفواصل.
- فايبر تحت المعجونالفايبر بيتحط على الفاصل الأول، والمعجون بيتفرد فوقه. الفايبر هو اللي ماسك الفاصل، مش المعجون.
تركيب غلط
- مسافة واسعةنفس طول السقف بمجاري أقل. اللوح بيرتخي بين المجرى والتاني والفواصل بتفتح.
- معجون من غير فايبرالفاصل مقفول بمعجون بس. المعجون لوحده مش ماسك، والشق بيرجع يبان من نفس الخط.
المسافة بتتحدد على أرض الواقععلى حسب اللوح ونوع السقف والحمل اللي فوقه. بنحددها في المعاينة وبنصوّرهالك قبل التقفيل.
النطاق
الخدمة دي بتشمل إيه ومش بتشمل إيه
مكتوبة بالبند عشان تعرف إنت بتتعاقد على إيه بالظبط.
بتشمل
- معاينة السقف وتحديد سبب الشرخ أو الترخيم
- إصلاح الفواصل المتشققة بالفايبر والمعجون
- تقوية أو زيادة نقاط التعليق لو الحمل موزّع غلط
- استبدال ألواح متضررة
- إصلاح التخرمة اللي اتعملت في مكان غلط
- الفك والتكسير لو التجديد هو الحل
مش بتشمل
- الدهان بعد الإصلاحبنسلّم بالمعجون، والنقاش بيكمّل
- إصلاح مصدر التسريب أو الرطوبةلازم السباك يحلّه الأول، وإحنا بعده
- إصلاح شغل مش جبسمش من تخصصنا
بنرشّحلك كهربائي ونقاش شغّالين وبتحاسبهم إنت مباشرة. إحنا مبناخدش عمولة من حد.
مناسبة لمين
إمتى دي الخدمة الصح
مناسبة لو
- شروخ ظاهرة في خطوط الفواصل بعد سنة أو أكتر
- سقف بيترخّم أو بيبان فيه تموّج
- لوح اتضرر من تسريب اتصلّح
- تخرمة اتعملت غلط بعد التركيب
مش مناسبة لو
- لو مصدر المية لسه شغّال — أي إصلاح هيرجع تاني
- سقف متنفّذ بتعليق ضعيف على مساحة كبيرة — التجديد بيبقى أوفر
- لو المطلوب تغيير الشكل بالكامل — ده تنفيذ جديد مش صيانة
التنفيذ
مراحل الشغل
1المعاينة
بنشوف الشرخ ومساره وبنحاول نوصل للسبب مش للعرض.
2الحكم
بنقولك بصراحة: إصلاح ولا تجديد، وإيه الفرق في التكلفة والمدة.
3التنفيذ
إصلاح موضعي أو فك وإعادة، حسب اللي اتفقنا عليه.
4المعجون والفايبر
معالجة الفواصل، وبنسلّم للنقاش.
الخامات
الألواح اللي بتتستخدم
لو الضرر كان بسبب رطوبة والمكان محتاج نوع أقوى
السعر
التعريفة
من تعريفة م. حسن أحمد — أغسطس 2026
| البند | السعر |
|---|---|
| الصيانة والإصلاح | بتتحسب باليومية بعد ما نشوف الشغل. |
| الفك والتكسير | بيتحسب باليومية برضه. |
السعر النهائي بيتحدد بعد المعاينة وبيتكتب في عرض سعر بالبنود.
بنرشّحلك كهربائي ونقاش شغّالين وبتحاسبهم إنت مباشرة. إحنا مبناخدش عمولة من حد.
الحاسبة
احسب الخدمة دي
شكل السقف
لون اللوح
- م.ط
إزاي حسبنا
المعادلة اللي الحاسبة ماشية عليها:
المساحة × سعر المتر + (طول الماجنيتيك تراك × 100)
| البند | النظام | السعر |
|---|---|---|
| سقف جبس بورد | مصنعية بس | 120 جنيه / م² |
| بيت نور ورونات وأشكال | مصنعية بس | 100 جنيه / م.ط |
| سقف — لوح أبيض | توريد وتركيب | 400 جنيه / م² |
| سقف — ألوان | توريد وتركيب | 500 جنيه / م² |
| بيت نور ورونات | توريد وتركيب | 320 جنيه / م.ط |
| مكتبات وأرفف طايرة | توريد وتركيب | 300 جنيه / م.ط |
| تركيب ماجنيتيك تراك | إضافة | 100 جنيه / م.ط |
القواطع بتتحسب بالمتر المربع، والسعر لسه مش متأكد منه فمش بنطلّعه هنا. المارموكس وتجليد التلفزيون والصيانة بيتسعّروا بعد المعاينة.
السعر النهائي بيتحدد بعد المعاينة وبيتكتب في عرض سعر بالبنود.
ابعت الحسبة على واتساب
كود الطلب: —
أسئلة شائعة
أسئلة عن صيانة وإصلاح أسقف جبس قائمة
الشرخ بيرجع تاني بعد الإصلاح؟
بيرجع لو السبب مااتحلّش. لو الشرخ من فاصل من غير فايبر، الإصلاح بالفايبر بيحلّه. لو من تعليق ضعيف أو حركة مبنى، لازم يتعالج مصدره.
إمتى التجديد أوفر من الإصلاح؟
لما الشروخ تبقى منتشرة على مساحة كبيرة، أو لما التعليق نفسه يبقى غلط. الإصلاح الموضعي في الحالة دي بيبقى ترقيع بيتكرر.
ليه الصيانة مش بسعر متر؟
لأن مفيش شغلانتين صيانة زي بعض. الشغل بيتحسب باليومية بعد المعاينة، وبنقولك التقدير قبل ما نبدأ.
بتصلحوا شغل حد تاني؟
أيوه. بنقولك السبب اللي وصلنا له من غير كلام على حد، والقرار قرارك.
السقف بيترخّم ليه؟
غالباً نقاط تعليق قليلة أو مسافة مجاري واسعة، فاللوح بيسيب مع الوقت. أحياناً بسبب رطوبة خلّت اللوح يلين.
ابعتلنا المقاسات
قولنا المساحة والمنطقة، وهنرجعلك بعرض سعر بالبنود ومعاد للمعاينة.