إخلاء المسؤولية

المحتوى التعليمي

مقالات الموسوعة بتشرح ممارسات ومعايير عامة في شغل الجبس بورد والمارموكس. كل شقة لها ظروفها — السقف اللي فوقك، والمواسير العايشة، والارتفاع، والرطوبة — والقرار الصح بيتحدد بعد معاينة فعلية. متبنيش قرار على مقال من غير معاينة.

الأرقام والمواصفات

الأرقام في المقالات نوعين، والمقال بيقول أنهي نوع في كل مرة: إمامعيار سوق عام — مكتوب بصيغة «المتعارف عليه» — وإمامواصفة بنمشي عليها إحنا. المواصفات بتتغيّر من شركة خامات لشركة ومن نظام لنظام، والرقم اللي في كتالوج مصنّع مش بالضرورة الرقم اللي في كتالوج غيره.

وفيه أرقام الموقع مش بيكتبها أصلاً لأنها لسه مش متأكد منها. مكانها بيفضل فاضي ومكتوب إنه فاضي، بدل ما يتملّي برقم شكله مظبوط.

الحاسبة

الرقم اللي بيطلع من الحاسبة تقدير مبدئي محسوب على تعريفة معلنة وبيانات إنت كتبتها. مش عرض سعر، ومش ملزم لأي طرف.السعر النهائي بيتحدد بعد معاينة الموقع وبيتكتب في عرض سعر بالبنود. الفرق بين التقدير والعرض النهائي وارد، وبيزيد كل ما بيانات الشقة تكون أقل تفصيلاً.

كتالوج التصاميم

الأشكال في صفحة التصورات رسومات توضيحية لأفكار تصميم،مش صور لمشاريع منفّذة. الشكل النهائي بيختلف حسب المساحة والارتفاع والإضاءة ومكان المواسير. والكتالوج فيه33 فكرة، وكلها بترسم مش بتتصوّر.

الروابط الخارجية

لو فيه رابط لموقع برّه، إحنا مش مسؤولين عن محتواه ولا عن سياسة الخصوصية بتاعته. الرابط معناه إن الحاجة دي موجودة، مش إننا مسؤولين عنها.

شغل غيرنا

إحنا مسؤولين عن الجبس والمارموكس ومعجون الفواصل وبس. أي شغل تاني في الشقة — نقاشة أو كهربا أو سباكة — مسؤولية اللي عمله، حتى لو إحنا اللي رشّحناه. بنرشّح صنايعية شغّالين وبتحاسبهم إنت مباشرة، وإحنا مبناخدش عمولة من حد.

الحدود بالتفصيل، بالبند، في صفحة حدود شغلنا.